Святая Беларусь

Мая святая Беларусь!

Жыцця – крыніца,

З якой я  п’ю і не нап’юся

Жывой  вадзіцы…

Люблю цябе і ганаруся

Дзівосным краем!

Прыгожа, дзе ні апынуся,

Дух замірае!

Хвалісты  шолах каласоў...

Лаўлю імгненне!

І ад птушыных галасоў

У захапленні.

Духмяны водар васількоў

Мяне чаруе.

І песня дбайных жаўрукоў

Прастор мілуе.

З табой звязаў адзіны лёс

Шчаслівай зоркай,

Ты сонейка маіх нябёс –

Мая старонка!